Jumuiya ya Watetezi wa Imani - Community of Faith Defenders (CFDs)

CFDs 

Jumuiya ya Watetezi wa Imani - Community of Faith Defenders (CFDs) ni moja ya Idara ndani ya kanisa la Pentecostal Holiness Mission (PHM) yenye malengo chanya kwa kanisa kama Idara zingine. Hii ni idara ambayo inayohusisha vijana kuanzia umri wa miaka 15 hadi 50. Idara ya CFDs katika utendaji wa kazi imegawanyika katika ngazi nne, kuanzia ngazi ya chini yaani kanisa la mahali hadi ngazi ya juu ya kitaifa kama ifuatavyo:- CFDs katika kanisa la mahali, Sehemu (Section), Jimbo na Taifa.
Idara ya CFDs kwa kipindi cha miaka kumi (10) kuanzia mwaka 2017 hadi 2027 imekuwa na malengo makuu kadha ya kimkakati. Katika utekelezaji wake wa majukumu hayo ya kimkakati, CFDs unahusisha uongozi wa Taifa, Majimbo, Sehemu, Makanisa ya mahali na wana CFDs wote kwa ujumula nchini. Ili kulifanikisha zoezi zima hili tumesimamia kauli mbiu yetu inayosema “Mabadiliko ya kiroho na kiuchumi katika PHM na CFDs inawezekana!! Wajibika!!” Lengo likiwa ni kuwajibika ipasavyo kwa kila mwana Idara kupitia uongozi uliopo ili kuleta maendeleo yenye tija ndani ya Idara. Hii ni kulingana na vipaumbele maalumu vya utekelezaji vya kimkakati vilivyowekwa kwa miaka hiyo. Hali hii inalenga ukuaji wa kanisa kiroho na kiuchumi kwa kutumia rasilimali zilizopo kwa ufanisi zaidi.